Wikipedia:Eliminación rápida

Esta páxina contén políticas e normas oficiais da Galipedia. Ten unha ampla aceptación entre os editores desta Wikipedia e considérase un estándar que todos os usuarios deben seguir. Agás para edicións pequenas, por favor, use a páxina de conversa para propoñer cambios nestas directrices.

A eliminación rápida é unha política da Wikipedia que se aplica a unha serie de casos nos que os administradores poden borrar páxinas inmediatamente sen pasar polo sistema de votacións de páxinas para borrar. Todas aquelas páxinas que cumpran algunha das condicións relacionadas a continuación poden ser catalogadas para eliminación rápida e ser eliminadas sen demora.

Índice 1 Os casos 1.1 Artigos 1.2 Redireccións 1.3 Outras páxinas

[editar] Os casos

Os administradores poden borrar inmediatamente unha páxina, se cumpre algún dos criterios expostos a continuación. No entanto, sempre hai que comprobar o historial da páxina por se existe unha versión previa que poida ser recuperada e que desta maneira non sexa necesario o borrado.

Os usuarios que non sexan administradores poden incluír as páxinas nesta categoría engadindo o seguinte marcador na parte superior da páxina en cuestión:

{{lixo}}

{{lixo|Razón pola que se propón a eliminación rápida.}}

[editar] Artigos

Para calquera artigo que non corresponda á categoría eliminación rápida, use Wikipedia:Votacións para borrar.

1. Páxinas de proba, de caracteres aleatorios, ou semellantes.
2. Unha subpáxina creada polo propio usuario (Por exemplo: unha posible páxina User:RickBlaine/probas).
3. Páxinas creadas con enderezos de sitios web no título.
4. Páxinas con títulos absurdos, ou palabras que non son tal.
5. Páxinas onde o único contido sexan ligazóns, unha sección de véxase tamén, unha referencia dun libro, un clasificador de categoría, un modelo de marcador etc.
6. Páxinas nas que o único contido sexa spam.
7. Páxinas con erros debidos a unha incorrecta configuración do teclado.
8. Imaxes, cando o solicite o usuario que a publicou e sempre que non se estea a usar.
9. Páxinas sen historial relevante que sexan violacións flagrantes dos dereitos de autor. Por historial relevante enténdese calquera contribución ao artigo que non se limite a redireccións, interwikis, categorías e formato wiki.
10. Puro vandalismo.
11. Artigos moi curtos fóra de contexto.
12. Páxinas noutros idiomas non traducidas despois do período transitorio para a súa tradución.
13. Páxinas incompresibles escritas por usuarios que non coñecen minimamente o galego.
14. Artigos publicados por usuarios bloqueados, antes de ser levantado o bloqueo con outros enderezos IP ou identidades.
15. Borrado temporal mentres se está movendo unha páxina de localización.
16. Bromas, invencións, rumores ou falsidades.

[editar] Redireccións

As redireccións poden ser inmediatamente borradas se non teñen un historial relevante e:

1. Apuntan cara a páxinas que non existen.
2. Foron creadas no espazo de nomes trabucado.
3. Son resultado de erros nos títulos das páxinas.
4. Son redireccións dobres ou crebadas.

[editar] Outras páxinas

1. Páxinas persoais a petición do seu usuario (páxina persoal ou páxina de conversa se non existen motivos para conservalas).
2. Páxinas de conversa de artigos borrados.
3. Páxinas de conversa de usuarios non rexistrados cando as mensaxes xa non sexan relevantes (isto só é para evitar a confusión cando os novos usuarios editen desde o mesmo enderezo IP).
4. Categorías baleiras (sen artigos ou subcategorías) cando só conteñan ligazóns a categorías superiores.
5. Categorías baleiras (sen artigos ou subcategorías), 24 horas despois de baleiralas.