Inciclopedia
 |
Suxeriuse que este artigo ou apartado sexa fusionado con "Uncyclopedia" (conversa). |
A Inciclopedia é unha parodia da Wikipedia.
Proxecto irmán en español da Uncyclopedia. Poderíase considerar como a continuación do legado da Frikipedia, outra parodia que foi pechada debido a unha denuncia da SGAE. Foi formada ó medrar o número de artigos "rescatados" das cachés de Google e Yahoo! na sección en español da Uncyclopedia. Montouse sobre outro wiki humorístico, de nacionalidade mexicana: a Nakopedia. A principal diferenza coa extinta Frikipedia é que recolle artigos en español de todo o mundo hispanofalante e non só de España.
O proxecto atópase albergado en Wikia e utiliza o software de Mediawiki. Actualmente conta cun total de máis de 8000 artigos. Das máis de 20 Uncyclopedias independentes en distintos idiomas, Inciclopedia é a cuarta máis grande tras as versións en inglés, polaco e alemán.
Ó igual que en Uncyclopedia, afirman que Wikipedia é unha burda imitación de Inciclopedia. Pero ademais, explican que é inimiga mortal do proxecto e desentrañan uns supostos plans de Wikipedia para destruír a Uncyclopedia e as súas versións noutros idiomas mediante unha superarma láser secreta idéntica á Estrela da Morte de Star Wars.
Índice |
[editar] Contido
Ó igual que na Uncyclopedia, as entradas da Inciclopedia teñen habitualmente disparates en ocasións enxeñosos, de pouca ou nula semellanza coa realidade. Sirvan como exemplos algún dos temas e artificios máis recurrentes:
- "A Innombrable". Seudónimo da SGAE, á cal atribúenselle todo tipo de abusos, como intentar apoderarse dos dereitos das obras de autores mortos ou imaxinarios. Este tema expandiuse na Inciclopedia, sobre todo a raíz do peche da Frikipedia como consecuencia dos problemas legais que tivo coa SGAE.
- Chuck Norris. Tradición herdada da Frikipedia. Atribúenselle unha larga serie de feitos disparatados, xeralmente relacionados coa súa patada xiratoria, como por exemplo que con dita patada extinguiu ós dinosauros ou que Chuck pediu un Big Mac nun Burger King e llo fixeron.
- Monstruo Espagueti Voador. Tamén herdado da Frikipedia.
- Miguel de Cervantes. Atribúenselle usualmente citas inventadas que figuran ó longo de varios dos artigos, así como a Uncyclopedia fai con Oscar Wilde.
- Moitos dos usuarios da Inciclopedia son galegos, polo que Galiza ten un peso específico nela.
- En clave de humor chegase a afirmar que a terra galega é un imperio tiránico tamén chamado Gondwana e que na orixe a suma das terras -Panxea- era a extensión do territorio galego. Moitos artigos falan de Galiza e mesmo podemos atopar un artigo dedicado ao folclore galego e diversos persoeiros da comunidade galega, entre os que se pode sobresaltar a Manuel Fraga Iribarne e outros. Tamén suponse que a orixe de moitas das cousas do noso mundo é galega, desde o Pastafarismo ata o latín, pasando pola cidade de Barcelona, etc.
[editar] Políticas de traballo
Os colaboradores da Inciclopedia (que fanse chamar Inciclopedistas) seguen algunhas regras, máis estritas que as empregadas na Frikipedia. Entre estas:
- O contido non debe violar os dereitos de autor. Os artigos deben ser ceibes ou estar tomados dalgunha fonte libre ou que permita publicalos.
- Os artigos deben ter unha lonxitude adecuada. Os administradores da Inciclopedia eliminan calquer artigo que teña menos de 5 liñas de largo.
- Non se permite vandalismo. Cando isto ocorre, o usuario causante de este ataque é baneado polos administradores.
- Os aportes deben ser graciosos. Para os casos de humor específico dun país, teñen plantillas que advirten do feito. Tampouco se permiten artigos cun humor demasiado local que só entendan uns poucos. Exemplo: Non se permite facer un artigo referente a un profesor dun establecemento educacional dalgunha cidade de España, porque ese artigo só será entendido por uns poucos.
Aplicando, a estas regras, un pouco de sentido común, os administradores eliminan:
- Artigos de poucas liñas.
- Artigos sen graza (tamén coñecidos como "truños").
- Artigos incoherentes.
- Artigos serios e/ou realistas.
- Artigos copiados da Wikipedia.
- Artigos incompletos que cumpran certos requisitos.
- Artigos que foran nominados e votados en VPB (O VPB é un Centro de Discusión da Inciclopedia no que os usuarios deliberan sobre o eliminado de artigos).
[editar] Tipos de usuarios
Ó igual que na wikipedia e outras wikis, os usuarios divídense entre I.Ps anónimas, usuarios rexistrados, administradores e burócratas.
- As I.P anónimas non son tidas en conta nas votacións, como na votación polos artigos para destacar na portada, pero a parte diso teñen os mesmos recursos que os usuarios rexistrados.
- É común que os usuarios rexistrados teñan unha páxina de usuario, na que está permitido pór contidos referentes a si mesmos, cousa non permitida nos artigos comúns.
- Os administradores teñen autoridade para bloquear usuarios e borrar artigos inadecuados. Xunto ós burócratas determinan as regras do sitio.
- Os burócratas teñen a última palabra. Poden transformar a un usuario común en administrador, o cal faise logo de consultar cos administradores xa establecidos. Teñen a última palabra en canto ás normas do sitio.
Se ben os administradores e burócratas teñen máis autoridade que os resto dos usuario, a gran maioría das decisións tómanse intentando chegar a un consenso ou por votación.
